Vieiros

Bob Johnson, cofundador do Tea Party de North Iowa, sinalou que o panel pretende destacar o "apoio" de Obama ao socialismo. Faixas con mensaxes similares foron excluídas de diversos eventos deste movemento ultraconservador (ligado ás posturas máis á dereita dentro do Partido Republicano) debido á mala publicidade que provocaban, informan axencias internacionais.

De feito, Shelby Blakely, voceira a nivel nacional dos Tea Party Patriots considerou inapropiado o cartaz e afirmou que se opoñen a este tipo de comparacións. Porén, John White, coordinador en Iowa do movemento, aínda que recoñeceu o "mal gusto" do panel, sinalou que todo o feito por Obama "seguía os pasos" do realizado por Hitler no seu día.