Excesivos

Enviado por ghg o día 17.02.2008

Dáme vergoña mirarte cando me pides que che meta a man na boca. Estás tan feito, que non sei como actuar, e quedo sempre inmóbil, ollándote de esguello con cara de bebé. Pero ti es malo. Agárrasme o pulso con forza e obrígasme a tocarche cos dedos a garganta.

Cando retiro a man, e vexo que a saliva che cae polo pescozo, penso "animaliño cruel" e vírome gacela. Para que fagas o mesmo.